السبت، 31 أكتوبر 2020 | 01:19 ص

مرتضى منصور: الجناينى خرب الكرة المصرية واعتذر لطنطا على حركة محمود علاء

الأربعاء، 23 سبتمبر 2020 12:59 ص
مرتضى منصور مرتضى منصور
عمر أنور

أكد مرتضى منصور رئيس نادى الزمالك، أن عمرو الجناينى رئيس اللجنة الخماسية خرب الكرة المصرية، ونحتاج سنين لإعادة ما أفسدوه وسيكون سبب هبوط الإسماعيلى والمصرى.

وقال مرتضى منصور خلال مداخلة مع أحمد جمال فى قناة الزمالك: أنت يا عمرو اتحاد الكرة كبير عليك أوى دا إحنا كان عندى هانى أبو ريدة، أنت زى مركز شباب وهانى زى البرازيل".

وأضاف مرتضى منصور: "أنت خربت الكرة المصرية وهنقعد كذا السنة نصلح اللى أنت عملته.. والترسانة هتنزل درجة ثالثة اللى هى أقدم منك يا عمرو واللى ماشى معاك، فأنت حاططلى مباراة الكأس قبل السفر علشان أروح أشيل فى المغرب وأخرج من البطولة".

وتابع مرتضى منصور: "أنا بسأل سؤال مين محمد فضل لعب كام ماتش مع المنتخب وبتعمل إيه في اتحاد الكرة، أنت هتودينى الانضباط أنت تتمد على رجلك والمشكلة أنهم باعتين خطاب للفيفا يطالبون بتمديد المدة".

وأضاف: "أنتوا دمرتوا الأندية الإسماعيلى والمصرى والنهاردة إيهاب جلال ساب المقاصة علشان الفلوس، فالأندية اللى كانت هتخصم نصف راتب اللاعبين رجعت الدورى واللاعبين عاوزين الفلوس كاملة، أنت مش عارف أننا لو رحنا الفيفا هتبطل لأنك بدأت المسابقة من غير فار ودلوقتى أنت دخلت الفار وكدة تعديل في لوائح المسابقة وكدة تتلغى، وإحنا وافقنا على الرجوع للدورى احتراما للدولة المصرية مش احترام ليك، فوزير الرياضة لازم يتدخل لأن الزمالك كدة هيوصل لمباراة الرجاء بدون لاعبين بسبب الإصابات ومش هنمشى على الجدول ده مهما يحصل".

وقال رئيس الزمالك: "المشكلة مش في الأهلى كدة كدة حسم الدورى يلعب بالناشئين بالبدلاء براحته لكن أنا بنافس على المركز الثانى مع بيراميدز والمقاولون".

وأضاف رئيس نادى الزمالك: "أبارك لرضا عبد العال على مستوى نادى طنطا وهو مدرب كبير وبيفهم كورة فى ظل ضغط المباريات الكتيرة، وبعتذر على حركة محمود علاء لحارس طنطا وبعتذر لنادى طنطا وجمهوره وهيتحاسب على الحركة اللى عملها".

وتابع مرتضى منصور: "أحمد العدوى كان حكم عادل وكان بيحكم بما يرضى الله وممدش أيده على قفا لاعب من الزمالك وأهالى سيناء زعلانة على انتقادى لمحمود معروف فأنا بقول لأهل سيناء مش كون أنه من سيناء يسيئ لكم كل مكان فيه ناس مش كويسة وهو ظلم الزمالك ومد أيده على لاعب الزمالك".

وأوضح مرتضى منصور: "قبلنا اعتذار أحمد كشرى بعد الاعتذار عن الحركة التى قام بها لاعب أسوان ووقف على الكرة، فأنا أحييه على شجاعة الاعتذار".

 


لا توجد تعليقات على الخبر
اضف تعليق

مسابقة التوقعات


توقع مباريات أمم أفريقيا