الأربعاء، 22 مايو 2019 | 07:23 م
المجموعه

التوقيت

12:00 م بتوقيت مصر

  • جوانجزو إيفرجراند جوانجزو إيفرجراند
  • انتهت

    1

    :

    0

  • دايغو دايغو
المجموعه

التوقيت

12:00 م بتوقيت مصر

  • نادي جيونجنام نادي جيونجنام
  • انتهت

    2

    :

    0

  • دارول تاكزيم دارول تاكزيم
المجموعه

التوقيت

12:00 م بتوقيت مصر

  • ميلبورن فيكتوري ميلبورن فيكتوري
  • انتهت

    1

    :

    3

  • سانفريتشي هيروشيما سانفريتشي هيروشيما
المجموعه

التوقيت

12:00 م بتوقيت مصر

  • كاشيما انتلرز كاشيما انتلرز
  • انتهت

    2

    :

    1

  • شاندونج ليونينج شاندونج ليونينج
المجموعه

التوقيت

02:30 م بتوقيت مصر

  • اتحاد تطاوين اتحاد تطاوين
  • انتهت

    2

    :

    2

  • الملعب التونسي الملعب التونسي
المجموعه

التوقيت

04:00 م بتوقيت مصر

  • الصفاقسي الصفاقسي
  • انتهت

    0

    :

    0

  • النجم الرياضي الساحلي النجم الرياضي الساحلي
المجموعه

التوقيت

04:00 م بتوقيت مصر

  • مستقبل قابس مستقبل قابس
  • انتهت

    0

    :

    0

  • نادي حمام الأنف نادي حمام الأنف
المجموعه

التوقيت

04:00 م بتوقيت مصر

  • اتحاد بن قردان اتحاد بن قردان
  • انتهت

    1

    :

    1

  • الاتحاد المنستيري الاتحاد المنستيري
المجموعه

التوقيت

04:00 م بتوقيت مصر

  • النادي البنزرتي النادي البنزرتي
  • انتهت

    2

    :

    1

  • الملعب القابسي الملعب القابسي
المجموعه

التوقيت

04:00 م بتوقيت مصر

  • نجم المتلوي نجم المتلوي
  • انتهت

    1

    :

    0

  • النادي الإفريقي النادي الإفريقي
المجموعه

التوقيت

10:00 م بتوقيت مصر

المجموعه

التوقيت

10:00 م بتوقيت مصر

عم حارث "دولاب" أسرار الأهلى لـ"سوبر كورة": كنت زملكاوى متعصب والدورى للأهلى.. حققت 74 بطولة وعاصرت 6 رؤساء.. هذا اللاعب "دبحنى".. تريكة "صديق" عربية الفول ومتعرفش تكرهه.. كنت بساعد جوزيه

الأربعاء، 13 مارس 2019 09:00 ص
عم حارث مع محرر سوبر كورة عم حارث مع محرر سوبر كورة
حاوره حسن السعدنى

كنت بساعد جوزيه فى التدريب..وهيديكوتى كان بيحبنى

صالح سليم علّمنا الإخلاص..ومرتجى كان مدرسة فى الانضباط

مش عايز حفيدى يلعب كورة..وبيتى محروم منى

حسام عاشور "بتاع" شراب مبلول..ومتعب طيب

أبوتريكة "زائر" الفجر..ومتعرفش تكرهه

53894581_1001879220004151_8570038619857747968_n

بملامحه الجميلة وطيبته المعهودة وتلقائيته فى الكلام أطل عم حارث عامل غرفة ملابس والأدوات الرياضية بالأهلى على قراء "سوبر كورة" فى هذا الحوار، الذى كشف خلاله أهم أسرار نجوم الأهلى.

يجسد عم حارس تاريخا كبيرا فى الأهلى، وسجلا مشرفا من الإنجازات والبطولات ويكفى أنه الراجل الذى صافح بلاتر رئيس الفيفا "خمس" مرات.

9644074741496005250

فى البداية حدثنا عن مشاعرك ووسائل الإعلام تتهافت عليك لإجراء حوارات تليفزيونية وصحفية؟

الأهلى بيصنع نجومية أى حد، والناس عرفتنى لأنى شغال فى الأهلى، وشاهد على بطولات الفريق فى أكثر من 43 سنة.

فاكر كم بطولة حققتها مع الأهلى؟

طبعا حققت 74 بطولة محفورين فى قلبى، ومستعد أذكرهم كلهم فى أقل من دقيقتين.. ده تاريخ يا أستاذ ومحدش يقدر ينسى التاريخ ولا التاريخ يقدر ينسى الناس إللى بتصنعه.

تتحدث وكأنك مدير فنى أو لاعب فى الفريق؟

العمر اللى قضيته فى الأهلى خلانى أعشق اسم النادى وكيانه وبطولاته، أنا بنفعل مع أى هجمة وبتنطط زى العيال الصغيرة ومش بحس بنفسى والأهلى مغلوب فى أى ماتش.

53643456_678609872557808_5001456276224344064_n

بس أنت مجرد عامل فى النادى؟

لا طبعا أنا جزء من تاريخ النادى الأهلى، حقق وأنا فيه أكتر من نص بطولاته وعمر النادى ما جعلنى أشعر بهذا الشعور طول عمر الفرحة بتغمر الكل والحزن بيغيم على الكل.

شايف لاسارتى إزاى؟

مدرب كويس بيتعامل مع اللاعيبة بتواضع وحب، نجح أنه يحقق نتائج مبهرة محلياً وقارياً مازال الأهلى يملك فرصة التأهل لربع النهائى رغم آخر هزيمتين فى دورى الأبطال.

لكن نتائجه مع الفريق مش كويسة؟

الأهلى بيبنى فريق ولاسارتى لسه بدرى عليه، لكن لو النادى صبر عليه هيكون نسخة تانية من مانويل جوزيه.

2014-635484644676794456-679

وما الفرق بين جوزيه ولاساتى؟

جوزيه وجد جيل جاهز من اللاعبين وفريق متكامل مش ناقص غير مدرب بيفهم كورة، إنما لاسارتى مدرب كبير بيحاول يصنع فريق متناغم، ومحدش ينكر أن الأهلى خسر كتير من نجومه فى الفترة الأخيرة بسبب الاعتزال أو الإصابات.

مين أقرب مدرب للأهلى إلى قلب عم حارث؟

هيديكوتى كان بيحبنى أوى، وكان لازم يسألنى كل يوم عن صحتى وصحة أسرتى ويقعد معايا شوية بعد التدريب، كنت بحس أنه مصرى زينا جدع وابن بلد ومنساش زيارته ليا فى عزبة الصعايدة لما كنت مريض وهو المدرب الوحيد اللى عمل كده.

اشتقت للجماهير؟

بعض الناس بتقول إنى مجرد عامل غرفة ملابس لاعبى الأهلى، بس ده مش حقيقى أنا واحد من الجمهور العظيم للنادى، وكنت بقوم بتسخين جمهور الأهلى قبل المباريات.

593
 

مش هى دى إجابة السؤال ياعم حارث؟

أنا فاهم سؤالك بس صدقنى والله أنا كنت بعشق الألتراس، وهما اللى عملوا روح فى المدرجات، وبتمنى أشوفهم انهاردة قبل بكرة فى الملاعب، بس لازم يعترفوا أن بينهم ناس مدسوسة عايزة تخرب البلد بس الحقيقة أن الكل اشتاق للجماهير.

أصعب موقف مر عليك فى الأهلى كان إيه؟

مفيش أصعب من الدم، فكان أصعب حاجة حادثة بورسعيد طبعا، الناس ماتت على أيدينا والحادث ده وصمة عار على جبين الكرة فى مصر.

عاصرت كم رئيس للأهلى؟

قضيت 43 سنة فى الأهلى وأنا الوحيد فى القلعة الحمراء اللى عاصر عهد 6 رؤساء، وهم: عبده صالح الوحش والفريق مرتجى وصالح سليم وحسن حمدى ومحمود طاهر ومحمود الخطيب.

20264995_1616370361719969_4464081450090496747_n

ومين فيهم الأفضل من وجهة نظرك؟

كل واحد فيهم قدم للنادى كتير، عبده صالح الوحش ده كان مش بيحب يروح بيته، وصالح سليم علم الناس فى النادى الإخلاص، والفريق مرتجى كان مدرسة فى الانضباط والالتزام، وحسن حمدى عمل طفرة ومحدش حقق نجاحات فى النادى زيه، ومحمود طاهر ده بصماته بانت على النادى قبل ما تمر سنة على تعيينه رئيس للأهلى، والخطيب حدوتة حب أهلاوية.

ما الفرق بين الخطيب ومحمود طاهر؟

الخطيب ربنا حبب فيه خلقه، ده أسطورة فعلا وله هيبة كبيرة جدًا، الكل فى الأهلى يهابه ويقدره وتاريخه وسيرته الطيبة سابقاه، محمود طاهر ده كان راجل بتاع شغل وبس، وعلاقته باللاعيبه كانت كويسة جدا، ومكتبه مفتوح للكل وكفاية أنه كان بينادينى بـ"عم حارث" وبيحترم الكبير والصغير فى النادى.

كلمنا عن علاقتك بـ أبو تريكة؟

أبو تريكة قعد 10 سنين فى الأهلى، مفيش يوم فيهم غاب عن صلاة الفجر فى النادى، وكان لازم ييجى يفطر معايا بالسندوتشات من على عربية الفول بعد الفجر، وكان بينام ساعتين فى النادى بعدها ويقوم على التمارين.

51993406_138199103887348_8201455740674637824_n
 

لكنه تعرض لهجوم كتير الفترة اللى فاتت؟

اللى يعرف تريكة استحالة يعرف يكرهه من أخلاقه، ولحد دلوقتى بيتصل عليا يطمن ويشوفنى محتاج حاجة ولا لا، بس أنا مبعرفش أتصل عليه لآن اسمه بيظهر على موبايلى من غير رقم.

أنت أهلاوى من صغرك يا عم حارث؟

بالعكس أنا زملكاوى متعصب، أو كنت زملكاوى متعصب، لحد ما دخلت الأهلى وأنا عندى 13 سنة.

مين فى لاعبى الأهلى له طلبات غريبة معاك؟

ممكن تقول حسام عاشور علشان مش بيعرف يلعب إلا والشرب مبلول، وكل اللاعيبة بتستغرب، بس هو بيحب كده وإحنا لازم نشوفه عايز إيه ونعمله.

ومتى قصرت فى عملك؟

أنا بحب شغلى جدا والمرة الوحيدة اللى أخطأت فيها كان حسام البدرى مدير فنى، ونسيت بعض المهمات وكنا مسافرين، بس هو للأمانة موبخنيش حتى على الموقف، رغم إنى كنت متضايق من نفسى جدا، ومن وقتها وأنا بأكد على أدواتى ألف مرة قبل السفر.

D05ErH-X4AAmVXz

ما هو الهدف الذى لا تنساه؟

لن أنسى هدف تريكة فى الصفاقسى، وده أفضل هدف فى حياتى، بس بردو مش هنسى هدف سيد عبدالنعيم مهاجم إنبى فى الأهلى موسم 2002، واللى ضيع الدورى علينا، بصراحة الهدف ده "دبحنى".

عايز حفيدك يطلع لعيب كورة؟

حفيدى عبدالله ده أغلى حاجة ليا فى الوجود ومش حابب يطلع لعيب كورة، أنا نفسى يطلع سباح مصرى عظيم يشرف بلده، لأنى بحب السباحة وأول ما دخلت أشتغل فى الأهلى أشتغلت فى حمام السباحة بالنادى.

مين أطيب لاعب فى الأهلى دلوقتى؟

كل اللاعيبة طيبين ومحترمين وفى غاية الذوق، بعض الناس كانت بتقول على متعب متكبر بس هو انسان فى غاية التواضع مع كل الناس.

هتبطل شغل أمتى يا عم حارث وتقعد فى البيت؟

أنا مش بتاع قعدة بيوت وهبطل شغل لما أموت بأمر الله.

لا توجد تعليقات على الخبر
اضف تعليق

الأكثر قراءة