الثلاثاء، 19 نوفمبر 2019 | 12:01 م

عفوا.. لا يوجد مباريات اليوم

ضحية المنشطات يخرج عن صمته فى حوار مع سوبر كورة: رفضت التجنيس عشان خاطر مصر.. إيهاب عبد الرحمن بعد 3 سنوات من الإيقاف: عقدى مع الأهلى "على الرف".. وانتظرونى فى طوكيو 2020

الخميس، 07 نوفمبر 2019 10:00 ص
إيهاب عبد الرحمن إيهاب عبد الرحمن
حاورته ياسمين يحيى

فى مايو من عام 2016، كان إيهاب عبد الرحمن لاعب منتخب ألعاب القوى حديث الصباح والمساء فى الرياضة المصرية، بعد تتويجه بذهبية الدورى الماسى لألعاب القوى الذى أقيم بأمريكا، وسارع النادى الأهلى لتجديد التعاقد معه، ولكن بعد مرور 60 يوما فقط، تحول الحديث عنه من الإيجابيات والإنجازات، إلى تساؤلات بعد قرار إيقافه لمدة 4 أعوام بسبب ثبوت إيجابية العينة الخاصة، والتى تم سحبها من وكالة المنشطات.

وتبذل الوكالة المصرية لمكافحة المنشطات برئاسة أسامة غنيم محاولات مع الوكالة الدولية وادا، لرفع الإيقاف عن اللاعب قبل الفترة المحددة.

حرص "سوبر كورة" على التواصل مع إيهاب عبد الرحمن، لمعرفة تفاصيل الأزمة التى عاشها، ولماذا اختفى عن الأنظار طوال هذه السنوات، فكان معه الحوار التالى ..

 

494177_0
 

أين اختفى إيهاب عبد الرحمن بعد الإيقاف؟
 

بتدرب فى كفر صقر فى الشرقية يوميا، مش هيأس، ولو لعبت فى طوكيو إن شاء الله ممكن أعمل حاجة.

بتعمل إيه فى فترة الإيقاف؟
 

بتمرن كل يوم، هتمرن لحد ما ربنا يكرمنى وأرجع، وأشارك فى طوكيو، وإن شاء الله جاهز إنى أحقق ميدالية.

متى ينتهى الإيقاف؟
 

الإيقاف ينتهى يوليو 2020 وفى محاولات ليكون فى مايو يعنى قبل المدة بشهرين تقريبا.

هل فى تواصل من الأولمبية أو الوزارة معك؟
 

طبعا هشام حطب عقد جلسة معى، والوزير أيضا لمناقشة آخر تطورات أزمة الإيقاف.

 

images

 

هل أتعرض عليك التجنيس؟
 

طبعا أتعرض عليا تجنيس بس أنا رفضت، لأنى مش ممكن ألعب باسم دولة غير مصر.

التجنيس من أى دولة؟
 

آسف مش هينفع أقول اسم الدول، إللى عرضت عليا أتجنس وألعب باسمها.. اعذرونى

img

هل عقد الأهلى معك مازال مفعلا أم لا؟
 

الأهلى طبعا نادى كبير، ولكن بعد مشكلتى والإيقاف إللى اتعرضتله، العقد مش شغال طبعا.

ماذا تفعل عندما تحتاج إلى مكمل غذائى؟
 

فى الوقت الحالى أنا بتدرب مع نفسى، فريحت دماغى، وبتمرن من غير أى فيتامينات أو مكملات، ولو فكرت أخد أى حاجة هيتم التواصل مع الوكالة المصرية لمكافحة المنشطات، وأفتكر فى مرة حد عرض عليا نوعا معينا من الفيتامينات والمكملات، فتواصلت مع أسامة غنيم، المدير التنفيذى لوكالة المنشطات، ونصحنى أبعد عن النوع ده، وفعلا مخدتش حاجة عشان أريح نفسى.

 

تعليقات (1)
ربنا ينصرك و يوفقك
بواسطة: اخت مصرية
بتاريخ:

ربنا ينصرك و يوفقك ان شاء الله، إن مع العسر يسر.. ربنا يكرمك و تقدر ترجع تانى و يكلل مجهودك بالنجاح.. اعمل اللى عليك و سيبها على ربنا. انا مصدقتش انك بتاخد منشطات من الاول و خلاص دي صفحة فى الحياة و اتقلبت و ان شاء الله ربنا حيوفقك و مش حيضيع مجهودك.

اضف تعليق

مسابقة التوقعات


توقع مباريات أمم أفريقيا